in

أليات الدفع النفسي

أليات الدفع النفسي أن النفس البشرية متقدرش تعيش غير علي اساس إنها الاقوي الأفضل الأصح حتي ولو الواقع بيأكد علي هزيمة الشخص ده او غلطه فكل ده بيحصل من خلال اليات الدفاع النفسي طيب هو ايه أهم أنواع أليات الدفاع اللي بنستخدمها في حياتنا العادية 

 1-الانكار  

ودي أهم وأقوي ألية بيستخدمها البشر يبقي الموقف حصل بالفعل وانت مريت بيه بس تفضل تقنع نفسك بعدم حدوثه تكون شوفته بعينك وحسيت بكل فيه ومع كده تصدق ان لا يمكن يكون حصل ممكن يكون في حد قرايبك بتثق فيه ممكن يكون أي حد انت مستعد تنكر الحقيقه والواقع عشان متعيش بصورته متشوهه قدامك

2-أليه العقلنة او بمعني اصح التبرير

 تنفضل تقول أدله عشان تثبت حاجه لا يمكن يتم اثباتها تكدب علي نفسك وعقلك في سبيل ايجاد مخرج من حاله الاحراج اللي انتا فيها لدرجه انك تحاول تعمل من اللامعقول وتصدقه كمان كل ده بتوهم نفسك ان اختيارك للحاجه دي مكنتش غلط وتوهم نفسك انك كنت صح من الاساس

3-ألية الاسقاط 

لما الانسان يكون حاسس باحراج ناتج عن صفة سيئة فيه مش قادر يستغني عنها بيبتدي يسقط الصفة ديه علي اللي حواليه عشان يستريح ويحس بالأمان فالكداب مثلا بيشوف كل الناس كذابين واللي اخلاقه مش كويسه بيشوف كل الناس أخلاقهم مش كويسه فأكيد احنا في حياتنا نعرف ناس بتسقط علينا أمراضها النفسيه وانحرافاتها السلوكية متخيلين إنهم بكده بيعلوا من قيمتهم ونفسيتهم

مثال أنت وصديقك تسيران في الشارع ، صديقك شخص متميز للغاية ، رجل تتمني أن تكون مثله ، وفجأة تنظر أنت لشخص آخر وتقول : انظر لهذا الشخص انه مشرد فاشل .

في هذا المثال ، تظهر آلية دفاعية أخرى تسمى “الإسقاط”، رجل يرمي المشاعر اللاواعية تجاه نفسه ، تجاه شخص آخر ، كما ، هذه الآلية هي أيضا طبيعية جدا ، ولكن لو أصبحت هذه الظاهرة شائعة ، يجب معالجة المشكلة. عبر تعزيز الرؤية الايجابية للنفس والوعي بالمشكلة ومحاولة ايجاد الايجابيات والأمور الجيدة في الشخص ذاته بدلا من صرفه للتفكير في السلبيات باستمرار .

4- أليات السخرية 

السخرية تعتبر من أليات الدفاع الناضجة عارف اما مدرس يتحرج قدام الطلبة بتوعه عشان معلومه مش علي باله يضحك يهزر يقلب الموضوع لاي حاجه كوميدية ببساطه كده بيفرغ الاحراج ده في حاجه تانية مضحكة

5-أليات التنسك يعني زي انا اصلا مكنتش عاوز اعمل كده

زي لما انسان يكون بيلعب ماتش وعارف انه هيخسر يفضل يقول أنا سايب اللي قدامي يكسب بمزاجي أنا اصلا مش فارق معايا الماتش من الاخر الانسان لما بيحس انه خلاص مش هيوصل لهدفه يبرر ان سبب عدم وصوله للهدف مش ضعفه ولا عجزه وده السبب اللي يفضل يضحك بيه علي نفسه هو انه بمزاجه مش عاوز يوصل او انه زاهد عن الهدف 

ملخص الموضوع ان كتير في حياتنا بنمر بصدمات نفسية مواقف محرجة بنستخدم فيها اليات الدفاع النفسي حتي من غير ما نحس وبالرغم من ان الأليات ديه ما ممكن تنقذ الانسان من شعور احتقار الذات وتعيد ثقته في نفسه ممكن كمان تضيعه وتحوله لانسان معقد منفصل عن الواقع ومنعزل عن المجتمع وعشان كده لازم کل انسان یفهم نفسه بجد ویدرك اصل ردود فعله !!وساعتها هيعرف ان مفيش يوتوبيا علي الارض،وان الكمال الحقيقي عمره ما هيكون نابع من راي الناس،ولا كلامهم،ولا حتي نظرتهم..إنما الكمال الحقيقي هيكون نابع من نظرته هو لنفسه ررضاه عنها !أنا لو الانسان فضل يقسو علي نفسه عشان تتوافق مع معتقدات الناس وافكارهم لا يمكن هيرتاح او يعيش في سلام نفسي!

فمن فضلك تصالح مع ذاتك واحترمها بجد، مش لأي سبب غير لانها فعلا تستحق الاحترام…

This post was created with our nice and easy submission form. Create your post!

Report

What do you think?

Avatar

Written by منال

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

تحليل الاهلي والنجم الساحلي

‏قرعة كأس الأمم الآوروبية 2020.. البطل فى مجموعة الموت