in

تعرف علي البطل الإلكتروني

دائما بنسأل نفسنا ليه في ناس كتير سلوكها علي الانترنت غير الحقيقة ناس كتير علي الانترنت عاكس الواقع خالص والسبب في كده هو تأثير سيكولوجي بيمر بيه الانسان نتيجة صفات وخصائص الطبيعة الافتراضية بتاعة الانترنت فتسهله كل اللي نفسه فيه أي موانع اجتماعية أو عوائق مجتمعية تتشال فيعمل اللي هو عاوزه ده وردا علي السؤال ده ليه بيحصل كده من الاساس 

اولا:اخفاء الهوية 

انت مش بتتعامل مع فرد أو انسان قائم بذاته انتا بتتعامل مع اكونت مع الهالم والاكونت ده اسمه الحقيقي ايه جنسه الحقيقي ايه صفاته الحقيقية ايه كل الغموض ده بيصب في خانة الانسان الجبان هيعمل اللي هو عاوز يعمله من غير ما حد يستدل  علي شخصيته الحقيقية حقيقته دايما في أمان

ثانيا : حجوب الرؤية 

حتي ولو عرفت شخصيته الحقيقية برضه مش شايفه انتا لا يمكن تتخيل قد ايه نظرات العيون والتعامل المباشر بيأثر في التعاملات الحياتية علي سبيل المثل صعوبة لفظ زي كلمه بحبك الكلمه ديه زمان كان ليها تقلها في أي علاقة كانت لما تتقال كانت تهز جبل والعين في العين  نبضات القلب طالعة نازلة وحاجه كتير جميله أما حاليا بقت زي اللبانة بتتقال وخلاص بين الناس 

ثالثا :صعوبةالتزامن 

سهل جدا حد يبعت رسالة واكون مش عاوز الرسالة ديه توصلي فاعمل كأني مش بدخل علي الاكونت ولما ييجي يسألني أقوله معلش يا لسه مشوفتش الرسالة هو في حد شايف انا فعلا شوفتها أو لافي عالم الإنترنت في صعوبة شديدة في تحديد تزامن الاحداث عشان كده اما ظهرت كلمه seen في رسايل الفيس بوك ناس كتير زعلت عشان منعت عنهم ميزة مهمة زي صعوبة التزامن 

رابعا :الادراك الخطأ.

 الادراك الطبيعي بيتم لما المعلومات بيستخدم حواسه الخمسة لجمع أكبر كم من المعلومات قليلة حوالين أي  موضوع بس في عالم الانترنت الادراك معتمد علي معلومات قليله جدا وحتي ممكن تكون مغلوطة فيتشكل تلقائيا ادراك مشوه أو ناقص وكل ده بيساهم في انفعالات زايدة عن حدها لا سباب في غاية السذاجة 

خامسا : الهروب 

أكبر واصعب حاجة ممكن تتعرض لها في عالم الانترنت ببساطه هي انك تخرج برا العالم الوهمي ده البلوك عاكس اللي انت عاوزه تحرش باللي انتا عاوزه اشتم اللي عاوزه اعمل أي حاجه تتخيلها هتعرف تهرب من العقاب لا ده انت ممكن تهرب وترجع تاني باكونت جديد وصفحه جديدة  بس نقول انا الفيس مش سييء في كل الاحوال إنما ممكن يكون مفيد وله مميزات في حياة البشر ممكن يساعد الشخصيات الانطوائية علي الاختلاط في المجتمع ويكون دافع ومشجع لتكوين دواير اجتماعيه علي نطاق اوسع في الفيس مش حاجه مؤذية في ذاته إنما لازم يتم استخدامه صح

This post was created with our nice and easy submission form. Create your post!

Report

What do you think?

Avatar

Written by منال

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

كيف تعامل مع أبو الدماغ الناشفة

معلومات عن روبرت كوخ

معلومات عن روبرت كوخ