in

كيف تعامل مع أبو الدماغ الناشفة

أكيد في وقت ما في حياتك قابلت حد وحسيت وانتا بتتناقش معاه إنه مش ممكن يكون طبيعي وانا شخصياً قابلت ناس كتير كده بيكون بيجادل وخلاص لا يمكن يكون مقتنع إنه صح ومصدق نفسه وقلت في سرك ده بني ادم دماغة ناشفة

كلمه دماغه ناشفة مصطلح بنستخدمه عشان نعبر عن حالة الغشامة والصلابة بتاعة تفكير اللي قدامنا خصوصا لما يكون مصمم على رأي ما انه صح وخلاص 

 وكانه عاوز يطلع انه هو الصح بأي طريقه يعلى صوته يغلط في اللي قدامه يقول اي هبل وخلاص و ملهاش اي علاقه بالموضوع يتشقلب على الحيطه 

المهم يبقى في الاخر صح المفاجاه ان العلم بيقول لك ‏إن ال الدماغ الناشفه لها تفسير وان القضيه كلها عباره عن هرمونات 

والموضوع بيبتدي اول ما الانسان يبتدي يدخل فيه اي مناقشه او حوار ونظرا إن البشر مش كلهم علي رأي واحد فبيتم غالبا الاختلاف مع الشخص ده ويتم جداله بالمنطق او الأدلة وهنا بقا تحصل المشكله لما الانسان يبتدي يحس إنه بيخسر الأرض في النقاش وإنه مش عارف يرد 

يبتدي الجسم يفرز هرمون الكورتيسول  نظرا ان الجسم هنا عاوز يضغط علي نفسه يجيب اخره يفضل في حالة استيقاظ وتوتر مستمر عشان يغلب في الحوار ده بأي شكل و بأي ثمن وكأنه في حالة حرب مش مجرد نقاش 

وكأن فكرة انتصاره في الحوار ده حياة او موت لغايه ما الانسان نفسه ميقدرش يتحمل مقدار التوتر والضغط ده فيخرج من ويفقد هدوءه 

بس السؤال هنا ليه الإنسان بيتعامل مع الحوار البسيط ده كأنه حياه أو موت 

ليه الدماغ الناشفة موجوده من الأساس 

عشان للأسف الصح عند بعض الناس ادمان بمعني إن الإنسان لما بينتصر في أي جدال أو نقاش الجسم بيبتدي  يفرز هرمون واللي بيدي الانسان شعور  اللذة والمتعة وكأنه الجايزه اللي بيكسبها الإنسان المنتصر فبيكون في عطش دائم للجايزة دي 

زي المدمن عاوز الهرمون ده بأي طريقة 

 وده عشان الانسان من هو طفل بيكبر علي إن فيه صح واحد وحيد لازم الناس تتبعه وتحترمه فبيكبر علي كده فبيبقي عاوز يكون هو الصح ده عشان يتبع ويحترم وعلماء النفس والاطباء النفسيين شايفين 

إن حل المشكله دي هو ان الإنسان يستبدل شعور المتعة واللذة بشعور التعاطف والتشارك بهرمون الانجذاب والحب 

ويبتدي يكتسب مشاعر إيجابية تجاه اللي حواليه ويحس بالتواضع وأمان ناحيتهم ومش مطلوب من الانسان إنه يدخل الحوارات والمناقشات كأنه داخل حرب لازم ينتصر فيها عشان شكله وكرامته 

وده بيحصل مع ناس كتير جدا لا أبدا إنما يدخل حوارات عشان يسمع لرأي مختلف ويشوف وجهات نظر تانية يدخل حوارات عشان يفيد اللي حواليه ويسفيد منهم يدخل حوارات عشان يجادل ويناقش ويتعلم أما لو متخيل إنه داخل حوار يفرض رأيه وخلاص وبأي شكل ويغلط في أي أي حد وخلاص  يبقي أكرم له وافضل له ميدخلش حوارات أو نقاشات مع بشر تاني 

اصل اللي زي ده عاوز كراسي وترابيزات  يكلمهم مش بشر عنده عقل وفكر ومستعده يرد عليه لابد يكون في مرونه في النقاش  لان المرونه شيء جميل تجعلك مرن في طريقتك والتعامل مع الاخرين اللهم ارزقنا المرونة واللطف واللين

This post was created with our nice and easy submission form. Create your post!

Report

What do you think?

Avatar

Written by منال

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

الاهلي والجونة

موعد مباراة الاهلي والجونة في الدوري المصري والقنوات الناقلة والتشكيل المتوقع

تعرف علي البطل الإلكتروني